Misioni i Bibliotekës së Kosovës: Raporti i IFLA-s/FAIFE-së, prill 2000: Aneks 5 Dekret mbi Bibliotekën Kombëtare dhe Universitare

Këshilli i Krahinës Socialiste Autonome të Kosovës, në mbledhjen e Dhomës së Punës së Bashkuar, të mbajtur më 20 maj 1980, dhe të këshillit të BVI-së së Kulturës, të mbajtur më 18 prill 1980, nxjerr dhe miraton ligjin mbi Bibliotekën Kombëtare dhe Universitare të Krahinës Socialiste Autonome të Kosovës.

Neni 1

Biblioteka Kombëtare dhe Universitare e Krahinës Socialiste Autonome të Kosovës (më tej "Biblioteka"), e themeluar në pajtim me Ligjin mbi Bibliotekën Kombëtare Universitare (Gazeta Zyrtare e KSA të Kosovës, nr. 24/70) kryen veprimtaritë e saj në bazë të dispozitave të këtij ligji.

Neni 2

Selia e Bibliotekës është në Prishtinë.

Neni 3

Veprimtaria e bibliotekës ka një rëndësi të madhe shoqërore.

Neni 4

Përveç veprimtarive të caktuara me nenin 25 dhe 27 të ligjit mbi bibliotekat dhe veprimtaritë bibliotekare (Gazeta zyrtare e KSA të Kosovës, nr. 24/70), kryhen edhe detyrat e mëposhtme:

• Profesionalisht mbledh, përpunon, konservon dhe jep në shfrytëzim materialin bibliotekar;
• Kujdeset për sigurimin e literaturës së nevojshme nga vendi dhe jashtë nga të gjitha fushat e shkencës për të përmbushur nevojat e hulumtimit shkencor dhe të studimit universitar;
• Unifikon dhe bashkërenditë veprimtaritë e përkatëse lidhur me punën e bibibliografisë dhe shërbimet e informacionet-dokumentacionit në kuadër të kornizës punuese të qendrës së saj speciale në Krahinën Socialiste Autonome të Kosovës;
• Është përgjegjëse për mbrojtjen e eksponateve muzeale dhe të materialeve bibliotekare të shtypura apo të kopjuara me pajime të ndryshme teknike, në përgjithësi, në KSA të Kosovës në mënyrën si është caktuar me statusin e bibliotekës.
• Propozon arsimimin dhe trajnimin profesional të punëtorëve bibliotekar dhe organizon forma të ndryshme të trajnimit profesional;
• Bën hulumtimin shkencor të bibliotekave;
• Kryen punët e tjera të caktuara me statusin e bibliotekës.

Neni 5

Biblioteka ka statutin e saj.

Detyrat dhe procesi i punës i bibliotekës përcaktohen në hollësi me statusin e bibliotekës.

Këshilli i KSA të Kosovës vendos mbi dispozitat statutare që kanë të bëjnë me çështjet e një rëndësisë së veçantë shoqërore.

Neni 6

BVI-ja Krahinore për Kulturë, BVI-ja për Arsim dhe BVI-ja për Shkencë e financojnë veprimtarinë e bibliotekës.

Mjetet financiare nga paragrafi i këtij neni sigurohen përmes marrëveshjeve midis bibliotekës dhe BVI-së për Kulturë, Arsim dhe Shkencë si dhe me organizatatat e tjera të interesuara në pajtim me veprimtaritë e kontraktuara të projektit.

Neni 7

Organi krahinor kompetent për çështjet kulturore e mbikqyrë anën ligjore të aktivitetit të bibliotekës.

Neni 8

Biblioteka është e obliguar të harmonizojë veprimtaritë e saj dhe udhëheqjen me këtë dispozitë ligjore brenda gjashtë muajsh pas hyrjes në fuqi të këtij ligji.

Neni 9

Pas hyrjes në fuqi të këtij ligji, ligji mbi themelimin e Bibliotekës Kombëtare e Universitare (Gazeta Zyrtare e KSA të Kosovës, nr. 24/70) anulohet.

Neni 10

Ky ligji hyn në fuqi 8 ditë pas botimit në Gazetën Zyrtare të Krahinës Socialiste Autonome të Kosovës.

---

IFLA/FAIFE Office Birketinget 6, 6th floor, DK-2300 Copenhagen S, Denmark Phone: +45(32)586066, ext. 532 - direct line: +(45)32341532 Fax: +45 32 84 02 01 E-mail: susanne.seidelin@ifla.org or sus@db.dk or faife@ifla.org