Misioni i Bibliotekës së Kosovës: Raporti i IFLA-s/FAIFE-së, prill 2000: Aneks 6 Dekret mbi Depozitimin Ligjor

Në bazë të nenit 355 të kushtetutës së Krahinës Socialiste Autonome të Kosovës, jap këtë

DEKRET MBI SHPALLJEN E LIGJIT
MBI DËRGIMIN DHE SIGURIMIN E OBLIGUESHËM
TË GJËRAVE TË SHTYPURA

Shpallet Ligji mbi dërgimin dhe sigurimin e obligueshëm të gjërave të shtypura, që e aprovoj Kuvendi Krahinës Socialiste Autonome të Kosovës, në mbledhjen e Dhomës së Punës së Bashkuar të mbajtur më 24 mars 1978 dhe në mbledhjen e Kuvendit të Bashkësisë vetëqeverisëse krahinore të interesit të kulturës të mbajtur më 24 mars 1978.

KK Numër 651-2/78

Prishtinë, më 13 prill 1978

Kryetari i Kuvendit
Iljaz Kurteshi

Neni 1

Për sigurimin e mundësisë së shfrytëzimit të të gjitha gjërave të shtypura me qëllim të studimit dhe shfrytëzimit dhe ruajtjes së tyre si vlera kulturale, çdo organizatë botuese e punës së bashkuar e shtypshkronjës në Krahinën Socialiste Autonome të Kosovës ka për detyrë t’ua dërgojë Institutit Bibliografik Jugosllav në Beograd dhe Bibliotekës Popullore dhe Universitare në Prishtinë pa pagesë dhe me shpenzime të veta pesëmbëdhjetë ekzemplarë prej të gjitha gjërave të shtypura ( në tekstin e mëtejmë: ekzemplarët e obligueshëm).

Njësitë ushtarake dhe institucionet që botojnë gjërat e shtypura do të dërgojnë ekzemplarët e obligueshëm të gjërave të shtypura konform me dispozitat federative.

Nëse sendin e shtypur nuk e ka punuar organizata e shtypshkronjës e punës së bashkuar, apo në qoftë se sendi është shtypur në botën e jashtme në llogari të botuesit të vendit, obligim dërgimi ka botuesi.

Neni 2

Gjërat e shtypura të karakterit rezervat përjashtohen nga dërgimi i obligueshëm, por organi, organizata e punës së bashkuar dhe organizata tjetër vetëqeverisëse dhe bashkësia e cila ka dhënë urdhërin për shtypje, ka pëër detyrë t’i ruajë për herë më së paku dy ekzemplarë të gjërave të këtilla.

Neni 3

Me gjërat e shtypura, konform me këtë ligj, nënkuptohen të gjitha publikimet (librat, broshurat, separatet, reprodukimet artistike, lëndët muzikore, revistat, gazetat, hartat gjeografike dhe atllaset e të gjitha llojeve, katalogjet programet, panoramat etj.) dhe anekst e tyre (tabelat, grafikonet, formularët, etj.) të shumzuar me anë të teknikës (makina të shtypjes, litografi, gështetner, etj.,) si dhe pllaka e gramafonit, pa marrë parasysh se a janë dedikuar shpërndarjes, respektivisht shitjes.

Neni 4

Nëse në shtypjen e publikimit marrin pjesë më shumë organizata të shtypëshkronjës, ekzemplarët e obligueshëm i dërgon ai i cili është shënuar në publikim. Nëse në publikim janë shënuar më shumë organizata botuese, ekzemplarët e obligueshëm i dërgon organizata e cila e ka përfunduar të shtypurit.

Neni 5

Në qoftë se sendi i shtypur është botuar veçanërisht në shumë gjuhë, apo në shkrime të ndryshme alfabetin (qirilicë, latin) apo në më shumë botime, ekzemplarët e obligueshëm dërgohen për çdo gjuhë, çdo shkrim dhe çdo botim, respektivisht për çdo ribotim dhe rishtypje.

Si botim i ri konsiderohet edhe çdo botim i vjetër që shpërndahet me faqen e titullit të ndryshuar, kapakët e ri, tekst të plotësuar apo të ndryshuar me fotografi të reja, harta, tabela etj.

Neni 6

Ekzemplarët e obligueshëm të gjërave të shtypura dhe publikimet zyrtare dërgohen menjëherë pas daljes nga shtypi ekzemplarët të parë. Ata duhet të jenë në rregull dhe në gjendje në të cilën duhet të shpërndahen.

Neni 7

Publikim zyrtar, konform me këtë ligj konsiderohet çdo gje e shtypur që e jep organi shtetëror si botim të vetin zyrtar.

Neni 8

Përveç obligimit nga neni 1 të këtij ligji, botuesit e publikimeve zyrtare kanë për detyrë që pa pagesë dhe me shpenzime te veta t’ia dërgojnë Institutit Bibliografik Jugosllav në Beograd, për nevoja të këmbimit ndërkombëtar të publikimeve zyrtare deri pesëmbëdhjetë ekzemplarë nga çdo gjë e shtypurqë ka karakter të publikimit zyrtar. Numrin e këtyre ekzemplarëve e cakton në fillim të çdo viti Instituti Bibliografik i Jugosllavisë.

Publikimet zyrtare me karakter rezervat përjashtohen nga obligimi nga alinea 1 e këtij neni.

Neni 9

Biblioteka Popullore dhe Universitare e Kosovës në Prishtinë nga numri i ekzemplarëve të obligueshëm nga neni 1 i këtij ligji, nga një ekzemlplarë ia dërgon bibliotekve qendrore të republikave socialiste dhe Bibliotekës Qendrore të Krahinës Socialiste Autonome të Vojvodinës, e ekzemplarë tjerë i mban për nevojat e veta.

Biblioteka Popullore dhe Universitare e Kosovës, mund të caktojë që ekzemplarët tjerë të obligueshëm t’ia dërgojë bibliotekave tjera në botën e jashtme në kuadër të këmbimit ndërkomëtar.

Neni 10

Për përcjelljen e veprimtarisë botuese dhe kryerjen e mbikqyrjes së ligjshmërisë së punës, e punës së bashkuar në Krahinën Socialiste Autonome të Kosovës, kanë për detyrë që nga një ekzemplarë të librave, gazetave, revistave, broshurave dhe pllakave të gramafonit, në shpenzimet e veta t’ia dërgojë organit krahinor të administratës kompetent për çështje të kulturës.

Neni 11

Bibliotekat amë në KSA të Kosovës, nëse me këtë ligj nuk është caktuar ndryshe kanë për detyrë që në shpenzimet e veta, të sigurojnë më së paku nga një ekzemplarë: libra, gazeta, revista, broshura, që shtypen respektivisht që botohen në teritorin e Kosovës.

Neni 12

Formularët zyrtarë dhe tregëtar, fletushkat, reklamat, shpalljet (pllaketat) shpalljet e shkurtëra dhe kumtesat me karakter privat i dërgohen vetëm Bibliotekës Popullore dhe Universitare të Kosovës në Prishtinë në nga dy ekzemplarë.

Neni 13

Organizata e shtypshkronjës dhe botuese të punës së bashkuar do t’ia dërgojnë Institutit Bibliografik i Jugosllavisë çdo ditë të fundit të muajit, raportin për të gjitha gjërat e shtypura që i kanë shtypur, respektivisht botuar gjatë muajit, dhe kopjen e raportit të këtillë – Bibliotekës Popullore dhe Universitare të Kosovës në Prishtinë dhe organit krahinor të administartës kompetent për punë të kulturës.

Njësitë ushtarake dhe Institucionet që i botojnë gjërat e shtypura do të dërgojnë raportin nga alinea 1 i këtij neni konform me dispozitat federative.

Eprori i organit krahinor të administratës, kompetent për punë të kulturës, do të nxjerrë dispozitat më të hollësishme për shënimet që duhet të përmbajnë raportet nga alinea 1 i këtij neni.

Neni 14

Mbikqyrjen e ligjshmërisë së punës në aplikimin e dispozitave të këtij ligji e bënë organi krahinor i.administratës, kompetent për punë të kulturës.

Neni 15

Me dënim në të holla deri 50.000 dinarë dënohet për kundërvajtje organizata punonjëse apo organizata tjetër e punës së bashkuar, ose personi tjetër juridik që është i obligueshëm t’i dërgojë gjërat e shtypura:

• Nëse nuk i dërgon pa pagesë pesëmbëdhjetë ekzemplarë nga të gjitha gjërat e shtypura (neni 1 alinea 1 dhe 3);
• Nëse gjërat e shtypura nuk i dërgojnë në rregull dhe me kohë (neni 6);
• Nëse nuk i kryen obligimet ndaj Institutit Bibliografik Jugosllav në Beograd (neni 8 alinea1);
• Nëse nuk i dërgon nga një ekzemplarë bibliotekave qendrore të republikave socialiste dhe Bibliotekës Qendrore të KSA të Vojvodinës (neni 9 alinea 1);
• Nëse nuk i dërgon nga një ekzemplarë të gjërave të shtypura të cilat shtypen, respektivisht botohen në territorin e Kosovës (neni 11);
• Nëse nuk i dërgohet me kohë raporti Institutit Bibliografik të Jugosllavisë, respektivisht kopjen e raportit të tillë Bibliotekës Popullore dhe Universitare të Kosovës në Prishtinë dhe organit krahinor të administratës, kompetent për çështje të kulturës (neni 13 alinea 1).

Për kundërvajtje nga alinea 1 të këtij neni do të denohet edhe personi përgjegjës në organizatën punonjëse apo organizatën tjetër të punës së bashkuar, respektivisht edhe personi tjetër juridik me dënim të hollash deri në 5.000 dinarësh.

Neni 16

Mënyrën e dërgimit të pllakave të gramafonit, si dhe cilës organizatë të punës së bashkuar dhe në çfarë numri do t’u dërgohen ato, e përcakton eprori i organit krahinor të administratës, kompetent për çështje të kulturës.

Neni 17

Në ditën e hyrjes në fuqi të këtij ligji shfuqizohet Ligji mbi dërgimin e gjërave të shtypura institucioneve të caktuara (Fletorja Zyrtare e KSA të Kosovës, nr. 38/72).

Neni 18

Ky ligj hyn në fuqi ditën e tetë pas shpalljes në Gazetën zyrtare të Krahinës Socialiste Autonome të Kosovës.

---

IFLA/FAIFE Office Birketinget 6, 6th floor, DK-2300 Copenhagen S, Denmark Phone: +45(32)586066, ext. 532 - direct line: +(45)32341532 Fax: +45 32 84 02 01 E-mail: susanne.seidelin@ifla.org or sus@db.dk or faife@ifla.org